Macro ljósmyndun
Skordýr, blóm og smáatriðin sem við tökum oft ekki eftir.
Macro ljósmyndun opnar dyr að heimi sem við sjáum sjaldan með berum augum. Smáar æðar í laufblaði, vatnsdropar eftir rigningu, vængir skordýra eða fíngerð blóm geta orðið að heillandi myndefni þegar farið er nógu nálægt.
Nú þegar vor og sumar fara í hönd fjölgar tækifærunum. Skordýrin fara á stjá, blómin springa út og náttúran fyllist af litum, formum og áferð.
Hvað þarf til að taka góðar Macro myndir?
Besti árangurinn næst yfirleitt með linsu sem er sérstaklega hönnuð fyrir Macro ljósmyndun. Slíkar linsur gera þér kleift að fara mjög nálægt myndefninu og fanga smáatriði með mikilli skerpu.
Macro linsur henta vel fyrir:
- Skordýr og önnur smádýr
- Blóm og plöntur
- Vatnsdropa og lauf
- Listrænar myndir og mynstur
- Skartgripi og smáhluti
Góð ráð fyrir byrjendur
Byrjaðu á rólegu myndefni eins og blómum eða laufum. Notaðu mjúkt ljós og passaðu sérstaklega vel upp á fókusinn, því dýptarskerpan verður mjög lítil þegar farið er nálægt myndefninu.
Myndir
Myndir á þessari síðu eru sóttar af Unsplash.
Myndahöfundar: Dan Carlson, Egbert Kamele / ekamelev, Gildardo RH og Olena Ivanova.